能计及，一样是输。

    5。

    〈雨夜横琴〉雨夜横琴唔系人咁品，过关靠运除非带够银；不速之客三更持刀胁，水落石出搞嘢定惊魂。

    回想约三个月前。

    我同herman拍拖刚满一个月，嗰晚发生咗一段相当曲折嘅情节，单嘢我guarantee百分百系坚嘅，如果唔系我就？？谂到再讲。

    唏，总之，今铺无先前几篇背景咁舒服写意咯，可能你会被风吹亲、被雨淋亲、被血泪吓亲添。

    剧情需要，我唯有胆粗粗拎起史家之笔记载是次事蹟将之收入情趣剧场系列，顺便为大家介绍下港澳两地之交通史咁，伊欣奉劝猴擒嘅朋友，要畀多些少耐性等入戏肉呀。

    （唔好倒米，一阵以为自己支笔系倚天剑，点知写写下先发现系枝牙签）特别广播：各位放心，伊欣谂都无谂过要呃字数？－专栏作家就话要呃啫，人家断字计稿费嘅，唔系你估点解旧时金庸、古龙、梁羽生啲武侠小说，咁锺意动不动提下啲奇经八脉（真系有人统计考证过？）？因为一嚟就可以晒你冷，由任督二脉开始数，数到尽为止，就凑够大半篇啰。

    ……herman，今晚你几点收工呀？我搭船过港澳码头搵你先，抑或直接搭过珠海九州港？今日唔使开会，应该会早啲，你赶珠海班船啦。

    你出发之前记得买啲『袋』带嚟呀，我唔想喺强国入货，惊会穿窿。

    两小时后？？伊欣，听日星期六我唔使onduty喎，而家天气咁差，你只手整亲未好返，唔好一个女仔过嚟喇－一阵都系我返嚟啦。

    哦，咁好啦，我煮定饭等你喇，路上小心呀。

    再三粒钟之后？？herman，我『ready』喇～你到边呀？落船未？（voicecall）伊欣，你唔好惊，冷静啲听我讲：我而家喺医院呀。

    头先地盘爆玻璃，啲玻璃碎片横飞插中我，而家无大碍嘅，不过仲止紧血、检查紧。

    今晚你乖乖地，等我听朝先嚟啦。

    心谂：男朋友出事嚟唔到，惨－已经感冒病咗，又被玻璃割伤，佢话听朝再搭船嚟，咪好辛苦？一于先斩后奏：夜啲过去，畀个惊喜佢。

    （场外音：妖，真系睇戏睇坏脑！）决定出发之-->>

本章未完，点击下一页继续阅读